منتديات احباب اهل البيت عليهم السلام للحاسبات والانترنت
مرحبا بك في المنتدى ونتمنى لك اجمل الاوقات معنا للدخول سجل من هنا

هذا الموقع برعاية حيدرجواد 07817323901

منتديات احباب اهل البيت عليهم السلام للحاسبات والانترنت

اجمل المنتديات الشبابية
 
الرئيسيةالبوابةمكتبة الصورس .و .جالتسجيلدخول
كل ما تحبونة ستجدونه هنا من برامج وافلام وصور
مرحبا بكم في منتديات ام الخيل حيث التميز والابداع

شاطر | 
 

 شويه نكت جديده عراقيه (موشويه جذب هوايه تري) كلــــ حركات ــ8 200

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لميس
مشرف منتديات الحب والرومانسية
مشرف منتديات الحب والرومانسية


انثى عدد الرسائل : 134
العمر : 28
السٌّمعَة : 0
نقاط : 627
تاريخ التسجيل : 02/11/2008

مُساهمةموضوع: شويه نكت جديده عراقيه (موشويه جذب هوايه تري) كلــــ حركات ــ8 200   الأربعاء نوفمبر 26, 2008 4:04 am

[size=25]
شويه نكت جديده عراقيه (موشويه جذب هوايه تري) كلــــ حركات ــ8 200
--------------------------------------------------------------------------------

كردي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.

كردي خابرته صاحبته گالتله: تعال اليوم البيت فارغ.. ماكو أحد ببيتنا..طار من الفرح..راح لبيتها ركض..بالباب وگف گال :لعد أني شكو جاي إذا البيت فارغ وماكو أحد؟

كردي سألوه شتسوي اذا ردت تصيد أرنب ؟ گال: أقلد صوت جزر.

كردي راد يبدل الگلوب ركب على چتف مرته وگاللها يلله افتري.

كردي طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.

كردي يسبح بالشط ويندعي: يا إلاهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..الكردي غمزله وعض له شفـّه.

كردي سكن بالرمادي گال له جاره: عود فنجان الگهوه مالتك يمي گال الكردي: أي والله يمكن واحد من الجهال شمره عليكم.

كردي گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر الخاشوگه.

كردي شاف گشر موز بالشارع گال:أوهوووو..شلون شغله ؟ هم راح نزلگ!!

كردي وگع من جبل...صاح.إلحگوليييييييي..چيتوا الاكراد كلهم وراه.

سبعه أكراد سووا عصابه سموههSadسي قهره ماني كان) أي الأبطال الثلاثه.

دليمي سأل أبو المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك.

دليمي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.

دليمي كمشله مصري يريد يبسطه.. گال المصري(سبني ياوله) گال له الدليمي(والله لانعل أبوك لابو الخلـّفك).

دليمي گال له أبوه روح إغسل وجهك راح يجونه خطار..گال وبلكي ما إجوا؟

دليمي حب يتغزل بمرته بالفراش گال لها:شايفه هذاك الگمر؟؟ گالت:إي.. گال :ريحة أباطاتچ واصله يمّه.

واحد لاخ هم گال لمرته شايفه الگمر ذاك؟ گالت نعم.. گال إببوكس واحد أوصلچ يَمّه.

دليمي أتصل بالأطفاء گاللهم:شنو إذا ماكو حريق منشوفكم يعني؟؟

طالب دليمي سأله المعلم:من هو النبي الذي كان يكلم الحيوانات؟؟ گال: سيدنا طرزان عليه السلام.

كرديه گالولها: الموضه هالسنه جلد طبيعي..طلعت للسوق مصلخه.

دليمي راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟

دليمي وكردي يتمشون بالمزرعه..الدليمي سأله:جاي تشوف هاذا ابو الزعر(نوع من الطيور) المصنگر مثل الصلّ فوگ الشجره؟.. الكردي گال متعجب: زين شنو معنى كلمة شجره؟

دليمي سألوه: ششفت ببغداد؟ گال السفن أب.. گالوا شنو يعني ؟ گال بطل تفتحه لو تلحگ تشرب منّه لو لا.

دليمي شاف المصلحه أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟

دليمي شاف نافورات هواي ببغداد گال : حيل..!! شكثر بيهه بوريات طاگه.

دليمي شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟

دليمي سوّه معمل خل بالرمادي طلع كسر لإن طلعت إشاعه عليه أن الخل مالته عتيگ.

دليمي تعين بالأمن السري مال الكعبه شاف واحد يطوف گاله : شعندك ولك تفتر هنا؟

دليمي عرس سكتاوي حط كاسيت فارغ بالمسجل.

واحد من المدعوين عجبه الشريط طلب منه نسخه مسجله.

جيرانهم دگ الباب حيل منزعج گاللهم :يأ أخوان نريد اننام متنصون صوت المسجل شويه.

دليمي راح للسليمانيه طب بالمطعم طلب تكّه بدون ملح وبدون شحم..گال له الكردي والله كاكا ماكوعدنه شحم أسويلكياهه بس بدون ملح؟

دليمي أشتره علچ أبو السهم ..صار الليل وهوه يعلچ.. گالوله نام.. گال: بالحرام.. ما أنام إلا أخلصه.

دليمي طگّت أموره بالتجاره جاب خدامه.. ثاني يوم تعاركت مرته ويه الخدامه.. گام عزل كل وحده ببيت.

دليمي واهسه بالتجاره سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟

دليمي يطوف بالكعبه سمع الاذان سأل اللي يمّه گاله: بروح أبوك ماكو جامع قريب هنا؟

دليمي گال لجماعته: والله خدمات الحج بالسعوديه حيل محترمه وأنصحكم من تريدون تحجّون لا تروحون غير للسعوديه.

دليم ثنين يتناقشون الاول گال انا من اشرب الگهوه ما اگدر انام الثاني گال انا بالعكس من انام ما اگدر اشرب الگهوه.

دليمي اشتره لابنه حاسبه شال الصفر منهه گال حتى لتسجل عليّه مكالمات دوليه.

فيترجي اشتره چربايه ...نام جواهه وصاح على مرته: ناوشيني سبانه تلثطعش.

دليمي گال لابوه: بابا خل نروح لحديقة الحيوانات ابوه گال له: لاتستعجل ابني فد جم يوم همه يجون ياخذونه.

دليمي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.

فد واحد متعاجز تزوج وحده حامل گال والله لأن مالي خلگ لليلة الدخله.

دليميه قرت بجواز رجلهه مكتوب( رجل اعمال) گالت سواهه الكلب واتزوج عليه.

مصلاوي گال لجهاله اللي ينجح هالسنه اراويه سيارة الموطا.

مصلاوي گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر اشعلهه.

مصلاوي بلع ربع حباية فياجرا گال :الليله بس بوس.

مصلاوي دز ابنه على تلث گرص خبز من رجع الابن گاله ابوه : بابا رجّع وحده امك ماتت.

مصلاوي أحترگ بيته دگ عالأطفاء مره وحده وسد التلفون.

تلث مصالوه نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟

من معتقدات المواصله انه لازم واحد يسمّي قبل الأكل(يقول بسم الله)وإلا أكل ويّاه الشيطان..مصلاوي ما ياكل غير البرغل أربع سنين..أخر شي طلعله الشيطان گال له:أخي العزير..مو روحي طلعت من هالأكله..لو تغيرها.. لو تسمّي قبل الأكل.

دليمي گال لأبنه إذا تنجح اجيبلك مدرس خصوصي مُـلـُـك..

مدرس سأل طالب كردي گاله: أبوك شگد عمره گال ما أدري أستاد بس هوّه من زمان عدنه.

دليمي خابر صاحبه طلعله إبنه گاله: أبوك هنا؟ گال: نعم گال: عرفتني منو؟.. الأبن صاح.. بابا أكو واحد يريدك عالتلفون ميعرف هوه منو.

دليمي سألوه عن عمره گال 30 وره عشر سنين سألوه گال 30 گالوا شلون ماكبرت؟ گال: الرجال عدنه كلمته وحده حتّه لو ألف سنه.

دليمي يسوق تكسي ركبوا ثنين رايحين لملعب الشرطه گالوله:إذا ممكن نادي الشرطه الله يخليك.. گال: ليش متحلّوهه بيناتكم اخوان.

دليمي وگف يفوّل سيارته بالبانزين خانه..شاف بنات بسياره ثانيه..گال للعامل:بالله فوللي بعشرتالاف دينار بانزين.

صاحبه وياه بالسياره كردي گاله مادام راح تفوّل بهلگد أكيد راح تطول اروح للكشك اجيب عصير واجي شجيبلك وياي گال له: اللي يعجبك.. راح جاب عصير إله وقلم جاف لصاحبه.

دليمي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.

دليمي أشتغل مخرج تلفزيوني راح لأهله گاللهم سوولي راس بصل حلقات وانطوني الحلقه الأخيره.

دليمي سوه عملية رفع كليه فنجحت العمليه گال والله مدام هيچ لآكررها.

گالوا لدليمي :شنو رأيك بالموز؟ گال والله طيب لوما نوايته چبيره.

دليمي أشتره مرايه وتباوع لروحه بيهه گال ياسبحان الله هالوجه موغريب عليه...صاحبه گال له أشو..أخذ المرايه وتباوع بيهه گال: لك هذا أني..

دليمي أشتره مرايه وتباوع لروحه بيهه گال ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها.... يم الحلاق..

دليمي أشتره سياره شبح كتب عليهه تره: ميخوّف موعبالكم.

دليمي أشتره سياره حديثه گالوله شلونهه وياك؟ گال والله من الرمادي لبغداد سريعه لآن خمسه گير بس بالرجعه من بغداد للرمادي مو هلگد سريعه لآن بس گير واحد.
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد الزاملي
مشرف قسم الموسيقى والفن
مشرف قسم الموسيقى والفن


ذكر عدد الرسائل : 55
العمر : 31
السٌّمعَة : 0
نقاط : 5
تاريخ التسجيل : 05/11/2008

مُساهمةموضوع: شكرا"   الأربعاء نوفمبر 26, 2008 5:23 am

مشكورة لميس وعاشت ايدك على هاي النكت كلش حلوةةةة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حيدر
مؤسس منتديات ام الخيل
مؤسس منتديات ام الخيل


ذكر عدد الرسائل : 593
العمر : 32
الموقع : منتديات ام الخيل
السٌّمعَة : 7
نقاط : 828
تاريخ التسجيل : 01/11/2008

مُساهمةموضوع: رد: شويه نكت جديده عراقيه (موشويه جذب هوايه تري) كلــــ حركات ــ8 200   الجمعة نوفمبر 28, 2008 6:35 am

شكراااااااااا وروعه هاي النكااات

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/hayder.yso
رياض الشمري
مشرفة قسم اللغة الانكليزية
مشرفة قسم اللغة الانكليزية


ذكر عدد الرسائل : 56
العمر : 35
الموقع : riyadhh13@yahoo.com
السٌّمعَة : 0
نقاط : 110
تاريخ التسجيل : 19/07/2010

مُساهمةموضوع: رد: شويه نكت جديده عراقيه (موشويه جذب هوايه تري) كلــــ حركات ــ8 200   الثلاثاء أغسطس 10, 2010 4:52 am

شكرا اخت لميس بس لا تصير طلابه وي اخوانا الاكراد و دليم

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شويه نكت جديده عراقيه (موشويه جذب هوايه تري) كلــــ حركات ــ8 200
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احباب اهل البيت عليهم السلام للحاسبات والانترنت  :: قسم الترفيه :: النكت والطرائف-
انتقل الى: